2021/09/08（三）今日新眼光
聖經/耶利米書49章
清晨禱告文–呂金花 執事
a Kama Cemas a su kakiljivakan, kumalji a i taladja amen tua nia siselapai tua nia kinaikacauanan, izua sun sakamayan a nia Cemas a kilalailaing, a ljemakeljakev, a kitjausangasangas tua su kiljivak tjanuamen, maljimalji ki ken aya a pasatjanusun.
nia kinataqedan izua sun a nia Cemas a nasemaljiq tua nia kinacavacavan, saneka nasuljivatj a sarunguaq, a napupicul tusa kadjamadjaman, a imaza anga men a kitjausangasangas tua nia levan nia puzangalan numayatucu a semupusupu amen tua su kai tua su pazazekatj, maljimalji nu tjemiatjiak nu papupicupicul sun tua nia varung, tua nia sivalan a pikadjamadjaman a namayatucu, maljimalji kiayam sakamaya tjemausangas tua nia levan tua nia puzangalan tjanusu a nia Malailaing, sa nu semupusupu amen tua su kai tua su pazazekatj, ulja sun a izau nia Cemas a timulutulu, a papupicupicul tua nia sivalan a nakikakezng tua mavan nia kinitjaiqayavan tjanusun, ayamen a kiqaung tjanusun. Nu mayatucu sun a papaulingalingaw a temulutulu ulja namakisenai i tjanuamen a tjaramacidiljan nu semupusupu amen, ula inika namakavaljutan ayaya men a kiqauqaung a kiqeljiqeljing tjanusun a nia Malailaing, sa uri maza amen a nakemacu tua nia sadjeluan, tua nia mavarungan, uri tisun a nia Cemas a nasemasa a semaceqalj.
Nu kiqauqaung amen nu kiqeljiqeljing amen a pasa tjanusun ayamen a kiqaung tjanusun a nia Cemas.
nia kinatevteveljan Yisama ulja izua sun a nia Cemas a nakitaudan, a naljemakev itua nia kinatevtevljan tucu a kadjamadjaman, uri aya ken a kiqaung a paparangez, a maleva a pakatua su ngada a ti Yisu Kiristu, amen.
, 逐字稿的部分，考驗牧師的聽力極限。
延伸閱讀
達瓦達旺教會網站 /// http://paiwan.com.tw/tjavatjavang/